المراحل المختلفة لتربية البط بالصور +دراسة جدوى 2010 م

[سوق العرب]

المراحل المختلفة لتربية البط بالصور +دراسة جدوى 2010 م
بسم الله الرحمن الرحيم

بإذن الله تعالى سوف أتناول كل ما يتعلق بالبط

من التجهيزات المطلوبة للعنبر

كيفية تطهير العنابر بأقل التكاليف
تجهيز الأعلاف
أنواع البط المتوفرة حاليا في مصر

تربية البط من عمر يوم حتى التسويق ( تسمين )

تربية البط البياض ( التربية )

دراسة جدوى لتسمين البط
حديثة جدا 2010
المشاكل التي سوف تواجهنا في تربية البط بكل بساطة بدون تعقيد
( إمراض – مشاكل في التربية – قلة الخبرة .....الخ )

طبعا سيتم تدعيم الموضوع بالصور والفيديو من أول التجهيزات نهاية بالمشاكل التي قد تواجهنا
ملحوظة - :-
كل المعلومات والصور والفيديوهات من واقع خبرة حقلية وهى هدية لكل من يريد أن يبدأ مشروع بسيط لوجه الله تعالى .
والموضوع سيتم كتابته على مراحل كل يوم هنزل جزء لطول الموضوع
أولا :-

التجهيزات المطلوبة للعنبر وطبعا بأسعار 2010 م
طبعا التجهيزات المطلوبة لاى عنبر تكون عبارة عن
المساقى والعلافات - التبن أو النشارة وطبعا يفضل التبن - اللمب المستخدمة في الإضاءة - شفطات التهوية
والدفايات برميل سعة 100 لتر -أدوات النظافة ( مقشة – مساحة ) - أدوية وفيتامينات وأملاح معدنية وخلافة
الأسعار
المساقى سعر السقاية سعة 4 لتر 4 جنية سقاية سعة 8 لتر 5 جنية



العلافات سعر الطبق 3 جنية ويوجد أنواع ب 2.5 جنية سعر العلفات البرميلية البلاستيك ب 10 جنية والصاج ب 10 جنية صاج محمل طبعا


التبن الحمل ب 150 جنية
النشارة الشكارة ب 2.5 جنية
اللمب سعرها معروف
الشفطات يصل سعره إلى 120 جنية
الدفاية ( الخرطوم – الشعلة ) 30 جنية








غطاء الدفاية يصل سعره إلى 60 جنية ولاكن توجد طريقة بسيطة لصناعة هذا الطبق وسوف يتم شرحها بالتفصيل هدية منى لأعضاء المنتدى . وطبعا تكلفتها لاتتعدى إل 10 جنية .
البرميل سعر تقريبا من 30 -40 جنية




***************************************************************

[سوق العرب]

الجزء الثالث من الموضوع

تجهيز الاعلاف

طبعا الموضوع ده يخص الناس اللى بتصنع العلف على اديها يعنى بمعنى اصح لا تستخدم العلف الجاهز

المكونات
ذرة
فول صويا
مركزات تسمين
الاضافات

ملحوظة : -

طبعا الاوزان دى خاصة بيا بمعنى اصح اللى انا شغال بيها وان كانت هناك فروق فهى فروق بسيطة جدااا ولاكن يمكنها ان تفعل الكثير

اولا _ :

الذرة
مصدر الطاقة فى العلف ( 600 كيلو للطن ) لو ذرة مستورده هيكون افضل من الذرة المحلية

ثانيا

فول الصويا
مصدر للبروتين

الكمية المطلوبة
250 كيلو صويا 44% او 48 % يكون افضل

ثالثا :-
المركزات
يفضل شركة ذات سمعة جيدة

يتم اضافة 100 كيلو للطن



رابعا
الاضافات

طبعا فى ناس كتيييير بتستخسر انها تحط اضافات للعلف المصنع للبط وطبعا ده غير صحيح ومن الافضل اننا نحط هذه الاضافات

10 كيلو ثنائى فسفات الكالسيوم ( سعر الشيكارة ) تقريبا 50 جنية فيها 30 كيلو
5 كيلو ملح طعام سعره معروف
7 كيلو حجر جيرى
كيلو بريمكس تسمين سعره لا يتعدى 10جنية
كيلو املاح معدنية دواجن سعره لا يتعدى10 جنية
200 جرام مضاد كوكسيديا والانواع كثيرة جدااا وهنزلك صور للانواع
فى ناس مش بتحط على العلف ولاكن الوقاية خيرا من العلاج
كيلو املاح معدنية وفيتامينات
مضاد سموم هنحط حسب الارشادات الموجوده لان التركيز بيختلف
لو جينا نحسب الاضافات كلها هنلاقى مش معدية ال 100 جنية للطن بس لها مفعول السحر
عموما سعر طن العلف بهذه الخلطه يصل الى 2900 جنية

[سوق العرب]

انواع البط الموجوده فى مصر
تنقسم انواع البط الموجوده فى مصر

1- المسكوفى

المنشاء جنوب افريقيا ( المناطق الحارة )
ومنه نوعين
ابيض واسود ويوجد على الوجه زوائد جلديه حمراء وهو عريض وحجمه كبير ووضع الراس افقى مع الارجل




يصل وزن الذكر الى 5 كيلو ووزن الانثى الى 2.5-3 كيلو فى حدود 80 الى 100 يوم



تضع الانثى 125 الى 150 بيضه



2- البط البكينى
المنشاء الصين ومنه الى باقى انحاء العالم
لون الريش ابيض سمنى الصدر عريض يصل الوزن الذكر الى 4 كيلو والانثى الى 3 كيلو فى 65الى 70 يوم



تضع الانثى الجيده من 140-170 بيضه مع ملاحظة ان سلاله بيور يمكن ان يتخطى انتاجها ال 190 الى 200 بيضه
3- البط المولار ( البغال )
ناتج من تزاوج المسكوفى والبكينى والناتج عقيم



نفس شكل البط البكينى لون الريش كريمى يصل وزنه الى 4 كيلو فى 65 يوم


4- البط البلدى
او السودانى وهو شبيه بلبط المسكوفى او يسمى بالبح



وهو ينحدر من البط المسكوفى ولاكن اقل منه فى الوزن
يصل وزن الذكر الى 4 ك والانثى الى 2.5 ك

5- البط الدمياطى او الشهرمانى
ينتشر فىشمال الدلتا

يصل وزن الذكر الى 2 والانثى 1.5 ك

6- الكامبل
هو ناتج من تلقيح البكينى الفرنساوى مع الخاكى الكامبل
وهى سلالة ثنائية الغرض
ويمتاز بالراس طويل وعريض
اللون العام للريش ابيض واسود وبنى


يصل الوزانه الى 3 كيلو للانثى و 3.5 للذكر فى خلال 55 الى 60 يوم
يصل الى وزن كيلو خلال 20 يوم و وزن 1.6 ك خلال 30 يوم و 1.85 خلال 36 يوم و 2 كيلو خلال 40 يوم